Hver borgar ?

Mér langar einstaklega mikið að vita hver mun greiða fyrir þessar flugferðir og þann kostnað sem fylgir því að Gísli komi heim 2svar í mánuði.

Þá held ég að að sækja þetta nám sé svolítið seint í rassinn gripið, því hann hefur misst traust borgarbúa, misst traust sjálfstæðismanna en eflaust getur hann nýtt þetta nám á einhverjum öðrum vettvangi en í borgarstjórn.

 

Frekjan og græðgin í völd, sem var allsráðandi þegar þeir mynduðu meirihlutasamstarfið við Ólaf F. er bara svoooo að koma í ljós, og ég elska það. 

Gísli Marteinn hættir í borgarráði

Athugasemdir

[Skarfurinn, 13.8.2008 kl. 09:02]

Var einmitt að velta þessu fyrir mér, mér finnst það skandall ef við borgarbúar þurfum að borga flugferðir fyrir mann sem er erlendis í fríi (námi) og þar með hættur í borgarstjórn, 2 ferðir í mánuði mun kosta skildinginn í heilt ár.

[Blahh (IP-tala skráð) 13.8.2008 kl. 09:18]

Hvar var frekjan og græðgin í völd þegar hinn fingralangi Dagur Beggertsson samdi við hinn kviklynda Binga?  Eigum við ekki líka að gera ráð fyrir að hann greiði þetta sjálfur þangað til annað kemur í ljós?

[Tommi (IP-tala skráð) 13.8.2008 kl. 09:24]

Við (fólkið) munum borga þetta allt saman. En nú verður ekki lengur hægt að segja að menn sé með GM-gráðu frá Háskóla íslands. (GM-gráða = Gísla Marteins gráða). En það hefur verið sagt um þá sem vantar ritgerðina uppá útskriftina.

Það væri gaman að vita hvort afskriftareglur Háskólans hafa verið látnar ná yfir hann og þar af leiðandi hvort hann verði ekki að taka eitthvað upp, eða verður farið með hann silkihönskum og allt látið standa kjurrt (skrifi bara ritgerðina).

[Le Betiz, 13.8.2008 kl. 09:58]

Förum öll varlega í skrifum okkar um Gísla, hann hefur gert meira en flest okkar. "Blahh" - það er ólíklegt að Bingi greiði fyrir ferðir Gísla, líklegra þætti mér að hann greiði þær sjálfur en í raun er ekki óeðlilegt að borgarsjóður komi þar inn. Það er heldur ekki dýrt að ferðast milli landa núorðið, heimurinn hefur minnkað gríðarlega.

[Gunnlaugur Ingvarsson (IP-tala skráð) 13.8.2008 kl. 10:02]

Hver ósköpin eru þetta. Ég verð nú seint talin stuðningsmaður Sjálfstæðisflokksins. En maður verður að virða menn að verðleikum fyrir því, þó maður sé ekki alveg á sömu línu í pólitík. Mér finnst það bara gleðilegt að Gísli Marteinn skuli hafa þann metnað til að bera að fara í þetta greinilega gefandi nám. Hann ætti að geta nýtt sér reynslu sína bæði af góðu og slæmu úr borgarstjórn Reykjavíkur til þess að þetta nám hans nýtist honum enn betur. Gísli er mjög duglegur og drífandi og einnig hugmyndaríkiur stjórnmálamaður sem  bara verður öflugri við að mennta sig meira. Hann hefur vegna fljótfærni sinnar og unggæðingsháttar átt það til að vera heldur hvatvís og of fljótur til. En það mun örugglega slípast af honum.  Mér finnst Gísli Marteinn einmitt öfugt við suma af þeim öðrum ungu og upprennandi stjórnmálamönnum í Sjálfstæðisflokknum vera mun mildari og alveg hrokalaus. Mér finnst hann jafnan virða andstæðinga sína í politík sem jafningja og vera tilbúinn að hlusta að hlusta á þá og  taka tillit til skoðana þeirra og sjónarmiða. Það er meira en hægt er að segja um margan framagosann, sérstaklega úr Sjálfstæðisflokknum. Ég held að þetta nám hans Gísla eigi því eftir að nýtast öllum borgarbúum sérstaklega ef hann ætlar sér áfram að starfa að borgarmálunum. Varðandi hver borgar kostnaðinn við það að hann leggur það á sig með ströngu námi að ferðast alla þessa leið til að geta setið þá fundi í Borgarstjórn Reykjavíkur, þá finndist mér það raunar alveg sjálfsagt að borgin greiddi þann kostnað. Ekki væri hann að græða neitt á því, aðeins verið að greiða ferðakostnað til þess að hann geti uppfyllt lyðræðislegar skyldur sínar gagnvart borgarbúum og þeim sem kusu hann. Ég veit að þetta þætti sjálfsagt hjá mörum einkafyrirtækjum sem eru mun minni en Reykjavíkurborg og þau sæju sér hag í því að halda í mann sem væri að sérhæfa sig sérstaklega í því sem þau væru að gera eins og Gísli Marteinn er svo sannarlega að gera.  En því miður er mórallinn alltaf þannig að það má alls ekki greiða því forystufólki sem við almenningur kjósum til að fara fyrir okkur almennileg laun. Almennileg laun þá á ég við bara svipuð og einkageirinn er að greiða. Þá er ég alls ekki að tala um himinhá ofurlaun bankastjórana. En það er svo langur vegur frá því frá að forystumenn okkar í stjórnmálum hvorki hjá Borg eða Ríki séu svona yfirleitt að fá almennileg laun samanborið við einkageirann. Enda orðið þannig að margt efnilegt og framúrskarandi fólk treystir sér alls ekki til að taka þátt í stjónmálum vegna þess að það stórlækkar í launakjörum. Þetta er alls ekki gott mál ef við hugsum betur.  Við þurfum virkilega á því að halda að fá toppfólk til þess að taka þátt í stjórnmálum.  

[Kristín (IP-tala skráð) 13.8.2008 kl. 12:01]

Mig langar.... að allir læri íslensku

[Skarfurinn, 13.8.2008 kl. 12:36]

Alveg ósammála þessari langloku frá Gunnlaugi, en ég vil spyrja menn er það umhverfisvænt að fljúga tvisvar í mánuði frá Skotlandi til þess eins að sitja 2-3 tíma fund ? Gísli hefur gefið sig út fyrir að vera umhverfisverndarsinni og á ekki að haga sé svona fyrir utan svo kostnaðinn, en flug er orðið mjög dýrt í dag. 

[sleggjudómarin (IP-tala skráð) 13.8.2008 kl. 14:45]

Skarfurinn:   Hvað er umhverfisvænt? Heldur þú að GM væri eitthvað umhverfisvænni þó svo að hann sæti kyrr úti? Flugvélin flýgur nefnilega hvort heldur sem er. Og munurinn á eldsneytiseyðslu eftir því hvort GM er eða fer er minni en þig grunar. Um 95% af öllu því sem flugvélin brennir á leiðinni fer bara til þess að flytja hana sjálfa. Það munar nánast nákvæmlega engu um einn mann til eða frá.