Annáll 2010

Árið 2010 er búið að vera snilldarár í flest alla staði. Árið tók tvær niðurdýfur þó. Þegar ég missti afa minn þann 12.október og mömmu vinkonu minnar í nóvember. En lífið gengur víst sinn eigin gang og maður fær lítið ráðið um það. Hef bara góða trú að þau séu á góðum stað í kringum gott fólk sem er farið.

En margar og góðar uppákomur voru þó líka á árinu. Vil ég fyrst og fremst nefna að ég eignaðist fullkominn og æðislegan lítinn frænda sem ég kallaði Dreka áður en hann fékk sitt eigið nafn.

En þar sem ég hata nú ekki ölið, og hata ekki hvar Davíð keypti ölið og hvað þá að ég hati að vatni hafi verið yfir höfuð breytt í vín þá fór ég á nokkrar uppákomur þar sem öl var haft við hönd.

Janúar
12.janúar 2010 eignaðist bróðir minn og spúsa hans lítinn gorm sem ég kallaði lengi vel dreka. Þyki svo dásamlega vænt um hann.

Eins og núna 2011 ætlar maður alltaf að hafa næsta ár betra en það seinasta. Ég hafði hugsað mér kannski að minnka aðeins djammið 2010 en lítið varð að því, og því verður það bara mottó þessa árs 2011 :)

Hermann Óli minn elskulegi vinur á afmæli 17.desember en vegna þess að hann var fyrir norðan þá hélt hann afmælið sitt í janúarbyrjun 2010. Hermann kann svo sannarlega að halda upp á afmælið sitt. Það kom mikið af góðu og skemmtilegu fólki, allt flæðandi í bollum og bjórdósum. Eftir afmælið var farið í risastóra Limmósínu með kampavín og diskókúlu niður í bæ. Þetta var alveg frábært kvöld.
Sandra Hlín vinkona var einnig að verða árinu eldri og hélt upp á afmælið sitt helgina eftir. Eftir að ég flutti í miðbæ  Reykjavíkur þá þykir mér óeðlileg vegalengd þegar fólk heldur upp á afmæli sitt í öðrum póstnúmerum en 101 Reykjavík. En Ölver varð það heillin, og hætti ég þangað upp eftir, og varð ekki fyrir vonbrigðum. Hitti mikið af gömlum FB-ingum ásamt mörgum góðum vinum sem við Sandra eigum sameiginlega :) Ekki skemmdi fyrir að Halli Tom og Siggi Rodman voru að vinna á barnum. Og það er aldrei leiðinlegt að hitta þær elskur...
Annars var lítið annað sem ég man eftir í janúarmánði. Tek framm að þetta er allt skrifað eftir minni, því ég skrifa ekki dagbók, og því er þetta bara svona lauslega krifað ár :)

Febrúar
Það var haldið gott partý hérna í Beggukoti á G-15b.

Ég skellti mér í góða útskriftarveislu í efri byggðir Reykjavíkur (Bakkahverfi Breiðholti) til hennar SíSí-ar minnar. Er alltaf jafn glöð í hjarta mínu þegar ég kem upp í Breiðholt á mínar æskuslóðir. En að sjálfsögðu klæddi ég mig í  skothelt vesti, hjálm og þennan þarfabúnað sem þarf þegar þangað er komið. Hrefna Ýr kom með mér í þessa útskriftarveislu og var að sjálfsögðu í sama varnarbúning og ég,  það var virkilega gaman að geta samglaðst henni SíSí :)

Mars
Það var margt sem var að gerast í marsmánuði 2010. Ég byrjaði mánuðinn að fara í einstaklega skemmtilegt og velheppnað fertugsafmæli hjá Gerðunni sem vinnur með mér á Vesturborg. Þetta var frábær veisla, með góðum skemmtiatriðum og mikið sungið. Eftir gott afmæli skunduðum við niður á Nasa þar sem Páll Óskar var með gott ball :) Þar áttu sér líka ógleymanlegar stundir.
Í marsmánuði var hann Dreki minn skírður. Hann fékk nafnið Freyr Sigurðarson. Ég var að missa vitið af spenningi og kom þetta yndislega nafn á þessum degi.
Í mars þá pökkuðum við í tösku ég og Hrefna Ýr og skelltum okkur norður á Akureyri í heimsókn til Hemma míns. Eftir þessa ferð var ekki aftur snúið. Við Hrefnan vorum komnar með öl í hönd og keilukúlu í hina kl 12 á föstudeginum norður á Akureyri þar sem ég pakkaði henni saman. Áttum awesome helgi á Akureyri sem innihélt hluti eins og áfengi, körfuboltamann, túrtappa, mikið af góðu fólki m.a Ástu Steinunni og var þetta byrjunin af röð norðanferða.

Apríl
Páskarnir voru í byrjun Apríl og skelltum við okkur norður til Akureyrar til hans Hemma míns. Ég, Lars og Glimmer fórum norður í eina af þessum ógleymanlegu ferðum norður. Frændfólk mitt vinnur í Holtness hnoss, sem er ísgerð á sveitabæ. Fór með litlu hommana þangað og voru þeir nú ekki alveg beint dressaðir að fara í fjósið en þeir létu sig þó hafa það samt. Það fæddist kálfur stuttu eftir að við yfirgáfum fjósið og fékk kálfurinn nafnið Steini Glimmer. Vorum á tímabili að spá í að kaupa hann og hafa hann sem gæludýr inn á Akureyri en það varð þó ekkert úr því. Eg fór í fyrsta skipti í svokallað jólahús á Akureyri. Varð ástfangin af jólahúsinu og keyptum við Glimmer okkur jólapakka þar, og fórum í jólahúsið aftur daginn eftir. Þessar ferðir norður á Akureyri eru eiginlega ekki prenthæfar, en það þarf þó ekkert að þýða eitthvað slæmt :)
Í apríl mánuði fór ég enn og aftur út á land. í þetta sinn var það í afmælisveislu hjá Jóhönnu dóttur Jósa og Karitas. Þetta afmæli var haldið úti á Álftanesi og var frábært í alla staði. Við erum að tala um bjórdælu, bollur og allt í rugli :) Ég reyndist Breiðhyltingur í húð og hár og stal óvart myndavél sem Karitas átti. En það var þó gert í algjörum misgripum og því var henni skilað strax daginn eftir þegar upp komst um málið :)

Maí
Ég, Glimmer og Hrefnan fórum norður til Hemma míns í Innflutningspartý ofl.  Drengurinn sem ætlaði að fara vinna á Akureyri í nokkra mánuði endaði á því að kaupa sér íbúð. Þessi ferð var náttúrulega awesome í alla staði. Fórum á ball með Páli Óskari, sváfum í miklum þrengslum um alla íbúð umkringd indíánum sem búsettir eru á akureyri. Hrefna og Glimmer enduðu öll bleik á lit að taka sjálfsmyndir af þeim sjálfum með sexý lúkkið í lagi..  Eftir þessa ferð norður á Akureyri fórum við ekki í fleiri hópferðir til Akureyrar :/ . En nú er hann Hermann minn þó fluttur aftur til Reykjavíkur svo við höfum endurheimt hann :)
 Í maí voru ekki bara áfengistengdir viðburðir, þó ég hefði mögulega getað gert þennan viðburð áfengistengdan þá lét ég það kyrrt liggja. Ég fór sem sagt með leikskólanum mínum út í Viðey. Þetta var mín fyrsta ferð út í Viðey. Dásamlegur dagur í góðra vina hópi.
Seinna í þessum mánuði fórum við góður hópur saman í sumarbústaðaferð, og Lilja Ösp hafði aldrei farið á djammið í sumarbústað sem ég skil ekki alveg þar sem hún er 26ára.. En frábær helgi með góðu fólki að spila og fá sér og skellt sér í heita pottinn :)
Um hvítasunnuna hélt ég eitt af ófáum partýunum hér á Grundarstígnum. Mikið af góðu fólki kom í heimsókn. Niðri í bæ, var hemmi og bjóða nokkrum lesbískum pörum sæði sitt til barneigna. Ég gekk a eftir honum og sagði þeim að halda ekki í mikla von um að þetta yrði að veruleika. haha Hermann getur verið svo bilaður. 

Júní
- Elskulega vinkona mín Sigrún Lára Sverrisdóttir hélt upp á afmælið sitt í Suðurhvamminum :) Awesome night :) Og á ég m.a video af því þegar þær eru í ölæði sínu að reyna að halda á hvor annari. En Biggi tók þetta svo í sínar hendur og hélt bara á spúsu sinni :)
Eina góða helgi í Júnímánuði fórum við Ég, Sigrún, Hrefna, Andrea og Fanney í húsmæðraorlof og tjölduðum í Húsafelli. Helgin var dásamleg í alla staði. Fórum í morðingjaleik sem ég sigraði þrátt fyrir að Hrefna hafi verið gríðarlega tapsár og grenjað yfir úrslitunum þá stóð ég samt uppi sem sigurvegari. En á sunnudeginum vorum við vinsamlegast beðnar um að vera ekki að koma aftur í Húsafell haha :)Ég tel þetta algjörlega sönghæfileikum Hrefnu Ýr að kenna. Þegar hún tók eftirhermu ágæts söngvara.

Slegið var upp 7 manna útskriftarveislu í sal Kvennréttindafélags Islands. Þetta var dásamlegt kvöld, þar sem ég og Ragnhildur mættum með Andreu Jóns upp á arminn og fengum hana til að spila nokkur vel valin lög fyrir hann Hlyn okkar útskriftarbarn :)

Júlí
Ég á afmæli 2.júli og langaði mig svooo að fara í einhverja góða útilegi með fallegu fólki þá helgi. Ég var nýbyrjuð í sumarfríi og skelltum við okkur í afmælisútilegu á Írska daga á Akranesi. Það komu yfir 20 manns í útileguna sem var dásamleg. Fékk awesome afmælisgjafir,en er enn að jafna mig eftir að hafa misst blöðrurnar út í geim sem ég fékk frá Evu og Álfheiði :(
Það munaði minnstu að kvenkynshluti hópsins myndi lenda í hópslagsmálum á einhverju balli þarna þar sem einhver lauslát vændiskona gat ekki annað en slengt hárinu sínu utan í okkur ítrekað. Hún gerði sér ekki grein fyrir að flestir þarna væru breiðholtsbúar eða ofbeldishneigðar handboltakempur. En þar sem við kunnum okkur, stigum við til hliðar og gengum út. Ah... stolt af okkur ennþá í dag.
Þessi helgi verður vonandi endurtekin í sumar :) Svo skemmtileg var hún.

Enn og aftur var farið út fyrir Reykjavík og skellt sér á 1100 manna útihátíð í Mývatnssveit sem bar nafnið Úlfaldi úr Mýflugu. Við komum hópur frá Reykjavík og lögðum undir okkur húsið hans Jósa nokkurs. Sigga systir stóð sig með prýði að halda utan um allan hópinn. Og vorum við í lúxusgistingu og lúxusfæði allan tímann.
Vala Grand var með í för í sinni fyrstu útilegu, og var dásamlegt að hafa hana með. Það er sjaldan logn í kringum hana, og var gaman að sjá viðbrögð sveitungana þegar stelpan mætti á svæðið. En hún, erna og hemmi voru þó því miður bara eina nótt en skemmtileg var hún :)

Tekin voru fyrir nokkur afbrigði af merkjum fyrir þá staði sem fólk frá. Og voru biskupstungurnar vel lukkaðar.
Ég svaf í herbergi með Ernu nokkurri Sveinbjörns sem sá til þess að ég gat sofið á nóttinni. Það var mikið myrkur í herberginu og hélt ég t.d að ég hefði séð svarthöfða en hún sagði mér að þetta væri bara fatastandur. Og endaði nóttin á því að hún söng mig í svefn. Er ennþá þakklát henni að ég hafi lifað þessa afdrifaríku nótt af.

Áður en í svefninn var farið þá skelltum við okkur í "heita pottinn" sem var búið að lofa mér í marga mánuði. En þar sem fólk var eitthvað ekki til í pottinn, þá fórum við bara samt í heita pottinn, þó það hafi bara verið hefðbundinn pottur með skapti ogheitu vatni..

Þann 24.júlí var skellt sér norður á Blönduósi þar sem Húnavaka var að ganga í garð. Sunna mín fallega vinkona býr þar ásamt unnusta sínum. Frábær helgi, með frábæru fólki og flippað ball í íþróttahöllinni á Blönduósi :) mikið spilað, og farið í kubb :)

Ágúst
- Þjóðhátíð í Vestmanneyjum
Ja hérna.. Ég veit ekki hvurning ég get skrifað hér nokkur orð um þessa skemmtilegustu hátíð ársins. Ég var á eyjunni frá fimmtudegi til mánudags og var hún vel heppnuð frá a-æ.
Það var svo mikið af dásamlega skemmtilegu fólki á eyjunni þetta árið, þó það hafi vantað nokkra ágæta. Hrefna Ýr reyndi að drepa mig með óvæntri komu sinni á hátíðina. Það er súrasta stund sem ég hef upplifað. Náði mér eiginlega aldrei eftir það haha.. Ég var svolítið fulli kallinn í eyjum og fór eitt skiptið á náttbuxum inn í dal að reyna að fá að taka þátt í teningaspili sem var ekki alveg það vinsælasta meðal Ernu Sveinbjörns haha..
Þetta var bara snilllllllllld. Sé fyrir mér þjóðhátíð 2011.

Gaypride kom og gekk sinn vanagang. Alltaf gaman á gay-pride og endaði á balli með Páli óskari mínum.

Elskulega Heiða mín átti afmæli 19.ágúst og hélt okkur kokteilaafmæli það var algjörlega awesome. Og missti Ásgrímur sig kannski aðeins í kokteilunum og var orðinn rangeygður af áfengisneyslu. En ég var að sjálfsögðu bara í góðum gír eins og Grundarstígsdömu sæmir :)

September
- Fór á Októberfest hjá Háskóla Íslands. Þó bara eitt kvöld því daginn eftir vorum við Ragga vinkona að skella okkur til Ameríku :) Fórum til Minneapolis þar sem við versluðum brjálæðislega mikið, þrammandi í Mall Of America.. Elska þá verslunarmiðstöð, ásamt target og wallmart :) Vorum þar í nokkra daga í góðu yfirlæti. SEinasta daginn fórum við í flest tívolítækin í Mall of America.. bara gaman.

Október
- Fór á eyjakvöld á spot með Hildi og Karen. Bara gaman að vera í kringum þær píur. Alltaf hressar og skemmtilegar :)
Lífið er ekki alltaf dans á rósum en þann 12. október fékk ég símhringingu frá mömmslu að hann elsku afi Siggi væri látinn :/ Við tók erfiður tími en þar sem ég á sterkustu ömmu og mömmu í heimi þá reynum við að lifa áfram með afa í hjarta okkar.

Nóvember
Annað áfall varð þann 3.nóvember þá lést Borghildur (Bogga) vinkona mín og mamma hennar Sunnu minnar :/ Hennar er svo sárt saknað :/

Seinna í nóvember var haldið Hallóween partý á Snorrabrautinni hjá Glimmer, Strúnu og Tinnu. Frábært partý í alla staði þar sem ég mætti sem Rauðhetta og hrefna sem þjónustukona :) Glimmer var að sjálfsögðu slutty Pétur Pan haha.. Awesome kvöld :)

Eg fór á konukvöld til styrktar uppeldisfræðiskvísunum. Fórum fyrst út að borða á Saffran gamla uppeldisfræðigengið og svo á konukvöldið. Rosa skemmtilegt kvöld.

Í lok Nóvember tók við jólavinavika á leikskólanum mínum. Alltaf rosalega skemmtileg vika :) Ég var að gefa henni Helgu Ösp og Kristý var að gefa mér. Í lok vinavikunnar var slegin upp jólagleði þar sem við skemmtinefndin frumfluttum leikið efni sem tókst rosalega vel. Kvöldið endaði með aðstoðarleikskólastjórann dansandi ásamt fleirum uppi á borði.. Þetta heitir að taka Vesturborgar-style-inn á þetta :):) Bara dásamlegur hópur sem vinnur saman á Vesturborg  :)

Desember.
Ég var búin að hlakka til jólanna síðan í ágúst :) var mega spennt. Búið að vera mjög mikið álag í desember. Búin að vera vinna gríðarlega mikið, djamma og sinna sjálfboðastarfi í jólamatarúthlutun Rauða krossins. En búinn að vera dásamlegur þrátt fyrir mikið álag :)
Fór út að borða og skiptast á jólavinagjöfum með Ernu, Jóhönnu, Karitas og Þóru. Þar sem við fengum okkur  nokkra vel valda kokteila og góðan mat á Vegamótum :) Erna var svo yndisleg að gefa mér grjónapúða á axlirnar sem hún saumaði sjálf :) Ásamt yndislegu korti með myndum af konu sem ég heillast að öllu leyti að. Enda er bara ein Inga garðabær til.
Steini minn Glimmer hélt afmælið sitt. Og Ernan hélt afmælið sitt þann 17.desember þar sem pabbi hennar reif í gítarinn og mikil stemning var í afmælinu.

Jólin eru búin að vera dásamleg. Bauð fallegu fólki hér í gleðskap annan í jólum og var gaman að hitta svona mikið af góðu fólki.

Langaði bara að þakka öllum sem ég átti stundir með á árinu fyrir frábært ár.
Ég á bestu og fallegustu vini, kunningja og fjölskyldu í heimi. Love  you guys :)

Jóla og Nýárskveðja
Begga :)

Hann var bara því miður búinn að koma

Með þá fullyrðingu að vildi ekki taka þátt í þessum fundum.

Farrrrðððiggi að grenja svo !!

Sjálfstæðismönnum ekki boðið

Ég væri alveg til í að samkynhneigðir

Ég krefst þess að samkynhneigðir karlmenn fái að gefa blóð.

 

Það er bara til skammar að samkynhneigðir karlmenn fái ekki að gefa blóð, þar er Blóðbankinn að missa af miklu gæðablóði. 

Þeir voru í mestum áhættuhópi að fá aids hér í kringum 1980, og því meinað blóðgjöf. Í dag hins vegar eru það kondur á aldrinum 18-25ára sem eru líklegastar til að smitast. Ætti frekar að banna þeim hópi að gefa blóð ? 

Eða eru ekki komin nægilega góð tæki til þess að skima svona hluti ?

Góð viðbrögð við ákalli Blóðbankans

Ja hérna hér..

Og þetta er okkar fremsta skíðafólk.. úps..

Ekkert við þá beint að sakast, heldur  hvernig stendur á því að við eigum ekki skíðafólk í topp 20 alla vega... 

Stefán síðastur en Árni missti af hliði

Ja hérna hér..

Og þetta er okkar fremsta skíðafólk.. úps..

Ekkert við þá beint að sakast, heldur  hvernig stendur á því að við eigum ekki skíðafólk í topp 20 alla vega... 

Pissastaður, hvers konar stafsetning

Eru blaðamenn mbl.is ekki færir um að skrifa rétt.

Auðvitað skrifar maður ekki pissastaður

Eldsvoði að Dalbraut í nótt

Elsku Ólafur minn

Ég var nú enginn stuðningsmaður þinn beint..

En sjálfstæðismenn í borgarstjórn eru bara greinilega ekki traustsins verðir.

Þeir hafa verið í meirihluta allan tímann nema 3 mánuði og hvað hafa þeir gert. EKKI SKÍT

vertu bara þakklátur fyrir að þurfa ekki að vinna lengur með svona skítseiðum.

Verði framsókn af góðu ;) 

Ólafur: Blekktur til samstarfs

Hver borgar ?

Mér langar einstaklega mikið að vita hver mun greiða fyrir þessar flugferðir og þann kostnað sem fylgir því að Gísli komi heim 2svar í mánuði.

Þá held ég að að sækja þetta nám sé svolítið seint í rassinn gripið, því hann hefur misst traust borgarbúa, misst traust sjálfstæðismanna en eflaust getur hann nýtt þetta nám á einhverjum öðrum vettvangi en í borgarstjórn.

 

Frekjan og græðgin í völd, sem var allsráðandi þegar þeir mynduðu meirihlutasamstarfið við Ólaf F. er bara svoooo að koma í ljós, og ég elska það. 

Gísli Marteinn hættir í borgarráði

x-d að grafa dýpra

Þessir elskulegu sjálfstæðismenn eru bara að grafa dýpra og dýpra. Þeir eiga bara að bíða rólegir eftir að Hanna Birna komist við völd og láta þá ljós sitt skína.

Það voru og eru þeirra mistök að hafa farið í meirihlutasamstarf með Ólafi. F   hahahaha.

 

Ólafur F. er allsráðandi og máttu sjálfstæðismenn alveg sjá það fyrir að hann yrði frekur í samstarfinu.

 

Ég er ekkert að grenja að það að sjá menn eins og Gísla Martein vera hálfgrenjandi hvar sem hann kemur fram. Hann hélt greyið að sinn tími væri kominn.

En ekki einu sinni sjálfstæðismenn munu kjósa hann í prófkjöri sjálfstæðismanna.  

Vilja breytingar á meirihlutasamstarfinu

Sniðganga Írska daga

Hvet alla til að sniðganga  Írska daga. Sjálf er ég 26ára og þarf varla að hafa áhyggjur. En mér þykir mjög athyglisvert og asnalegt að leyfa ekki fullorðnu fólki að koma á hátíðina ef það hefur ekki náð 23ja ára aldri. En ef það vantar mánuð upp á að maður verði 23ja, er manni þá vísað frá eða hvernig er þetta.

 

ALLIR AÐ SNIÐGANGA ÍRSKA DAGA Á AKRANESI

 

 

Yngri en 23 ára bannað að tjalda nema í fylgd með fullorðnum